
Kongreya PKK’ê diyarî Alî Haydar Kaytan û Riza Altûn hate kirin    

2025-05-12 09:49:52


	NAVENDA NÛÇEYAN - PKK’ê ragihand ku ji kadroyên pêşeng Alî Haydar Kaytan û Riza Altûn jiyana xwe ji dest dane.&nbsp;

	&nbsp;

	PKK’ê, danezana Kongreya 12’emîn ku piştî “Banga Aştî û Civaka Demokratîk” a Rêberê Gelê Kurd Abdullah Ocalan hate lidarxistin, aşkera kir. Di danezanê de hate gotin ku Kongreya 12’emîn di 5-7’ê Gulanê de hatiye lidarxistin û wiha hate gotin: “Li ser vî bingehî Kongreya PKK’ê ya 12’emîn, ji bo pêvajoya pratîkbûnê ji aliyê Rêber APO ve bê meşandin û birêvebirin biryarên fesihkirina avahiya rêxistinî ya PKK’ê û bidawîkirina rêbaza têkoşîna çekdarî girtiye û xebatên li ser navê PKK’ê daye meşandin bi dawî kiriye.”&nbsp;

	&nbsp;

	DIYARÎ KAYTAN Û ALTÛN &nbsp;

	&nbsp;

	Di encama danezanê de hate diyar kirin ku ji kadroyên pêşeng ên PKK’ê Alî Haydar Kaytan (Fûat) di 3’yê Tîrmeha 2018’an de û Riza Altûn jî di 25’ê Îlona 2019’an de jiyana xwe ji dest dane. Bi domdarî wiha hate gotin: “Li ser vî bingehî yek ji kadroyên pêşeng û damezirînerê PKK’ê rêhevalê Fûat- Alî Haydar Kaytan weke sembola ‘Dilsoziya Rêbertî, Heqîqet û Jiyana Pîroz’; yek ji rêhevalên destpêkê yên Rêber Apo rêhevalê Riza Altûn jî weke sembola ‘Rêhevaltiya Azadiyê’ qebûl kiriye. Kongreya Partiyê ya 12’emîn a dîrokî, em diyarî her du şehîdên mezin ku ji destpêka Tevgera me ya Azadiyê de cih girtine û bi têkoşîna xwe ya bênavber ji me re pêşengtî kirine dikin.”&nbsp;

	&nbsp;

	Di daxuyaniyê de Endamê Şandeya Îmraliyê ya DEM Partiyê Sirri Sureyya Onder ku di 3’yê Gulanê de jiyana xwe ji dest da jî weke “Şehîdê aştî û demokrasiyê” hate pênasekirin.&nbsp;

	&nbsp;