
Denîz Poyraz li ser gora xwe hate bibîranîn 

2025-06-17 13:50:39


	ÎZMÎR - Denîz Poyraz di 4’emîn salvegera qetilkirina xwe de li ser gora xwe hate bibîranîn. Di bîranînê de soza mezinkirina têkoşînê hat dayin.&nbsp;

	&nbsp;

	Denîz Poyraz ku di 17'ê Hezîrana 2021'an di êrîşa li dijî avahiya Partiya Demokratîk a Gelan (HDP) a Îzmîrê de ji hêla kujer Onur Gencer ve hate qetilkirin, di 4’emîn salvegera qetilkirina xwe de li ser gora xwe ya li Goristana Kaynaklar a Buca ya Îzmîrê hate bibîranîn. Malbat, hevalên Denîz Poyrazê, Dayikên Aştiyê, TJA, endam û rêveberên partiyên siyasî, wekîlên DEM Partiyê Adalet Kaya û Burcugul Çubuk, rêxistinên girseyî yên demokratîk û welatî beşdarî bîranînê bûn.

	&nbsp;

	Di bibîranînê de endama Dayikên Aştiyê Muzeyyen Kortak axivî û got: "Şehîdên me rûmeta me ne. Em ê şopdarên şehîdên xwe bin."

	&nbsp;

	Parlamenter Adalet Kaya jî diyar kir ku êriş, êrişeke polîtîk e û got: “Em îro tenê şîne nagirin, ji bo aştiyeke bi rûmet, edalet û heqîqetê têkoşîn hat dayîn. Em ê têkoşîna wan û keda wan mezin bikin. Denîz Poyraz nemir e."

	&nbsp;

	Dayika Denîz Poyraz Fehîme Payraz jî di bîranînê de ev tişt anî ziman: “Ev têkoşîn têkoşîna jin û ciwanan e. Heke em bibin yek kesek nikare me têk bibe. Di kijan şert û merc bibe jî dê berpirsiyariya xwe pêk bînin."

	&nbsp;

	Pişt axaftinan bîranîn, bi dirûşma “Şehîd namirin” bi dawî bû.

	&nbsp;

	Piştî bîranînê, li avahiya DEM Partiyê ya Îzmîrê sînevîzyon hate pêşandan.

	&nbsp;