
Hêzên Îranê êrişê kolberan kir: Koleberek hate qetilkirin, 3 kolber jî birîndar bûn

2025-07-26 11:54:31


	NAVENDA NÛÇEYAN - Hêzên Îranê, li herêmên Hewraman û Merîwanê êrîşê kolberan kir û di encamê de kolberek hate qetilkirin, 3 kolber jî birîndar bûn.

	&nbsp;

	Li gorî Tora Mafê Mirovan ya Kurdistanê di 24’ê Tîrmehê de du kolberên bi navê Danyal Selahî (24) yê xelkê gundê Duplure ya ser bi bajarê Merîwan û Resul Fethî, li sînorê Merîwan a Rojhilatê Kurdistanê, di encama êrîşa hêzên Îranê de birîndar bûne.

	&nbsp;

	Hate gotin ku kolber Danyal Salihî ji her du lingên xwe bi giranî birîndar bûye û rewşa wî ya tenduristiyê ne başe.

	&nbsp;

	Li gorî heman çavkaniyê, di 23’yê Tîrmehê de jî li navçeya Selawa ya Hewramanê, di encama êrîşa hêzên Îranê de kolberê Kurd ê bi navê Emîn Gerdî (40) yê xelkê gundê Kanî Temerxan a ser bi Merîwanê jiyana xwe ji dest daye. Hate gotin ku Emîn bavê zarokek bû.

	&nbsp;

	Di heman rojê de kolberê Kurd yê bi navê Eta (23) yê xelkê Hewraman jî di encama êrişa hêzên Îranê de li herêmê Jalane ya ser bi Merîwanê, birîndar bûye.

	&nbsp;