Şandeya Îmraliyê ya DEM Partiyê, têkildarî nîşeyên tên îdiakirin têkildarî hevdîtina li Îmraliyê ne, daxuyanî da û got: “Divê ji bilî daxuyaniyên şandeya me parve kirine, tu nîşeyên din esas neyên girtin.”
Navenda Metro ya Parastina Rojnamegeran, diyar kir ku di nava 6 mehan de 201 çalakiyên nerazîbûnê hatine lidarxistin û di van çalakiyan de 100 rojnamevan, çalakvan û welatî hatine binçavkirin.
Şaredarê Esenyurtê Ahmet Ozer di danişîna doza ji dosyaya “lihevkirina bajar” de tehliye bû. Ji ber ku Ozer ji dosyayeke din jî girtî ye, nehate berdan.
Ji malbata Kaya 3 kes ji ber li stranên Kurdî guhdarî dikirin, hatin derbkirin û binçavkirin. Dozgeriyê, her 3 kes bi daxwaza girtinê sewqî dadgehê kir.
Şaxa MEBYA-DER’ê ya Şirnexê, Lijneya Giştî li dar xist. Di lijneyê de rêveberiya nû hate hilbijartin. Şaxê, lijneya xwe diyarî kesên di Rojiya Mirinê ya 14’ê Tîrmehê de jiyana xwe ji dest dayin kir.
Rojnameya Xwebûnê vê hefteyê bi manşeta “Destpêka pêvajoya nû” derket.
Li gorî lêkolîna TUÎK’ê, nifûsa ciwanan di nava Tirkiyeyê de cih diguherîne. Li gorî daneyan, di sala 2024’an de 549 hezar ciwanên temenê wan di navbera 20-24’an de koç kirin. Mezintirîn sedema koçê jî perwerde û dîtina kar e.
HSD’ê têkildarî pevçûnên li Siwêdayê yên di navbera Durziyan û komên girêdayî Hikûmeta Demkî ya Sûriyeyê de, banga agirbesta lezgîn kir.
Rojnameger Nîzamettîn Yilmaz ku tedawiya penceşêrê dibû, jiyana xwe ji dest da.
Şebnem Korur Fîncanciyê diyar kir ku komîsyona ku dê li Meclisê bê avakirin divê rêxistinên civaka sivîl jî beşdar bibin û got: “Di vir de ya girîng ew e ku mekanîzmayên bi dewletê gavên lezgîn bide avêtin bên avakirin."
Fermandariya Giştî ya Cendirmeyan, tazmînata ji bo malbata leşkerê di pevçûnê de hatibû kuştin hatibû dayin, weke “zirara cemaweriyê” nirxand û xwest malbatên HPG’iyan vî pereyî bidin.
Li gundê Cîlbya û Bilikayê di bin çavdêriya leşkeran û bi destê cerdevanan rojane 270 tonên daran tên birîn. Cerdevanên ku 6 rojên hefteyê daran dibirin, tona darên dibirin bi 5 hezar TL’an difiroşin.
Nûnerên DBP, DEVA û Partiya Saadetê merasîma îmhakirina çekan a PKK’ê weke “kêliyeke dîrokî” nirxandin û gotin ku divê komîsyon û zemîna hiqûqî bêyî ku were vehêlandin bên avakirin.
Welatiyên Wanê diyar kirin ku dema merasîma îmhakirina çekan temaşe kirin hem xemgîn hem jî keyfxweş bûne. Welatiyan got ku ew minetdarên Abdullah Ocalan in û xwestin dewlet gavan biavêje.