Sekretera Şaxa Halkevlerî ya Îzmîrê Evrîm Çakir, diyar kir ku HDP’ê ligel hemû zextan jî karî bendê derbas bike û got: “Em bawer dikin ku em ê bi hev re karibin dîktatoriya yekzilamî rawestînin. Têkoşîne her mezin nû dest pê dike.”
Halkevlerî, diyar kir ku îtîfaqa AKP û MHP’ê ya di 24’ê Hezîranê de piraniya dengan girt, dê pirsgirêkan çareser neke, berevajî dê kûrtir bike û got: “Em ê li dijî dîktatoriyê mil bi mil têkoşîn û piştevaniyê mezintir bikin.”
Cîgirê Giştî yê MHP'ê Mustafa Kalayci, diyar kir ku li gorî partiya wan hêj talûkeya "FETO" heye û operasyonên li dijî Qendîlê didomin û ji ber vê yekê pêwiste OHAL berdewam bikin.
Nûnerê SYKP û EHP’ê, encamên hilbijartinê nirxandin û gotin: “Ji vê saetê û şûn de divê HDP hemû kesan hembêz bike, bibe dengê hemû kesan û rêxistineke ku bi mîlyonan behsa wê bike.”
Parlementerê HDP'ê yê Êlihê Dr. Necdet Îpekyuz got: "Em kesên ku alaya demokrasiyê dewr girtin, çawa ku duh em têkoşiyan, em ê îro jî vê têkoşînê bidomîn in."
Abdullatîf Şener encamên hilbijartinê nirxandin û destnîşan kir ku di nav pergala heyî de ku di dest AKP'ê de ye, karê muxalefetê zehmet e, lê belê divê ji derheqê vê zehmetiyê derkeve.
Namzetê Serokmariyê yê CHP'ê Muharrem Înce têkildarî encama hilbijartinê nirxandin kir û got: "Rejîma nû ya têkeve meriyetê dê talûkeyek mezin bîne serê Tirkiye. Em dê bi hevre vê yekê bijîn û bi hevre bedelê vê yekê bidin. Bi temamî em derbasî rejîma yek mirovî dibin."
Namzeta Serokomariyê ya Partiya ÎYÎ Meral Akşener dengê xwe avêt û got: "Di demokrasiyê de her tişt tê niqaş kirin. Lê tenê vîna hur nayê niqaşkirin. Divê hilbijêr bi vîna xwe ya hur biçin ser sindoqê.
Namzetê Parlamenteriyê yê Enqereyê Velî Saçilik, li Batikentê dengê xwe avêt. Saçilik got: "Min ji bo dayika Taybet, dayika xwe û hemû dayikan dengê xwe avêt. Demokrasî dê bi ser bikeve.
Li Girtîgeha Tîpa F a Edîrmeyê Abdullah Zeydan û hevalê wî yê girtîgehê Namzetê Serokomariyê yê HDP'ê Selahattin Demirtaş, li girtîgehê dengê xwe avêt. Demîrtaş piştî dengê xwe avêt got: "Me li girtîgehê dengê xwe avêt. Ez bawer dikim ku dê encam pir xweş be. "
Namzetê Serokomariyê yê CHP'ê Muharrem Înce, dengê xwe li bajarê xwe Yalova avêt sindoqê û got: "Ya herî baş çiye bila ew be. Ez niha diçim Enqere. Ez dê êvarî li ber YSK'ê bim.
Siyasetmedarê Kurd Ahmet Turk têkildarî hilbijartina 24’ê Hezîranê nirxandinên girîng kir û got: “Li gorî baweriya min, ev desthilatdarî li ber çûyînê ye. Wê vê hilbijartinê winda bike. Heke ku gel xwedî li sindoqan derkeve, ez bi bawer im wê deriyê serdemek nû vebe.”
Hevseroka Giştî ya HDP'ê Pervîn Buldan, di çarçoveya xebatên hilbijartinê de hat navçeya Şemzînanê ya Colemêrgê û gel ziyaret kir. Buldan bal kişand ser lîstikên dawî û wiha got: "Duh JÎTEM'ê Pirtûkxaneya Umut bombe kirin û provokasyon pêş xistin. Heman lîstik îro li Pirsûsê jî hat lîstin. Lîstik li her derê Kurdistanê tê lîstin. Em bi hevre destûr nedin van listikan û destûr netin ku Welatê me vegere salên 90'an.
Siyasetmedarê Kurd Ahmet Turk, di hevdîtina gel a li Konakê de axivî û got: “Di 24’ê Hezîranê de, ji bo azadiya gelan dê deriyê serdemek nû vebe. Ji bo me pêşerojê ava bikin, pêwîstî bi têkoşînek hevpar heye.”
Namzetê Serokkomariyê yê HDP’ê Selahattîn Demîrtaş, di daxuyaniya da de wiha got: “Dengekê bidin HDP’ê û dengekê bidin Demîrtaş, em ji derveyî kek û simîtan tiştên xweştir bixwîn.”