Doza Reza Zarrab a li DYA'yê dewam dike û êdî piştrast bû ku bûye îtirafkar. Berpirsyarê Têkiliyên Derve yê HDP'ê Hişyar Ozsoy, aşkera kir ku di çarçoveya dozê de di destê DYA'yê de gelek agahî hene û wiha got: "Heke van agahiyan hemûyan li ber çavan bigirin, dê li Tirkiyeyê hikumet bikeve."
Serokê Giştî yê CHP’ê Kemal Kiliçdaroglu îdia kiribû ku ew ê der barê Serokomar Erdogan de hin belgeyan aşkera bike û aşkera kir. Kiliçdaroglu destnîşan kir ku li gorî belgeyan kurê Erdogan Ahmet Burak Erdogan pere şandiye derveyê welat.
Berdevkê HDP'ê û parlamenterê Qersê Ayhan Bîlgen, diyar kir ku îktîdarê bi rejima OHAL'ê welat xistiye halê ku nayê birêvebirin û wiha bang li muxalîfan kir: "Yên der barê siberoja Tirkiye de gotin û fikrên wan hebin bila niha bêjin. Bila îro derkevin qadan û dengê xwe bilind bikin. Anjî bila carek din lehengiya demokrasiyê nekin."
Hevseroka Giştî ya EMEP'ê Selma Gurkan, di 8'emîn Kongreya EMEP'ê ya bi dirûşmeya “Li dijî rêveberiya yek partî û yek zilamî em ji bo aştî û demokrasiyê bibin yek" pêk hat de diyar kir ku li Rojhilata Navîn temînata aştiyê bi piştevaniyagelan pêkan e.
Ji sazumankarên AKP'ê Fatma Bostan Unsal, bal kişand ser tercîda li ser Rêberê PKK'ê Abdullah Ocalan û diyar kir ku welatek di bin tecrîdê de ye û wiha got: "Gelek pirsgirêkên der barê kurdan de heye em nakin rojev. Sûr ji binî ve tê guhertin em nakin rojev. Serokê partiya Sêyemîn ya Meclîsê nikare derkeve dageheê."
Wezîrê Çandê yê berê Ertûgrûl Gunay ku ji AKP'ê îstîfa kir, der barê rewşa karsaz Reza Zarrab ê li DYA tê darizandin de diyar kir ku geşedanên der barê wî de li Tirkiyeyê bi awayekî aşkere hin derdoran bêzar dike. Gunay, têkildarî tevkariya MHP-AKP’ê jî anî ziman ku ev tevkarî li dijî HDP'ê û siyaseta demokratîk hatiye avakirin.
Berdevkê HDP'ê Ayhan Bîlgen, bal kişand ser hewlesta Tirkiyeyê ya li Soçiyê û got ku: "Gotina bila kurd nebin, tê wateya hêj zêdetir xwîn birije" û der barê YSK'ê de jî ev tişt got: "Nêzikatiya ez ê çawa bi YSK'ê bileyzim, bendavê çawa sererast bikim û qezenc bikim, dê pirsgirêkan çareser neke."
Hevserokê Giştî yê HDP'ê Selahattîn Demîrtaş, der barê Şaredarê Bajarê Mezin ê Enqereyê Melîh Gokçek ê ji peywirê dan îstifakirin de, serlêdana sûc kiribû, der barê dozê de biryara bê şopandinê hatibû dayîn. Gokçek ê der barê Demîrtaş de serlêdana sûc kiribû, ji bo Demîrtaş fezleke hat amadekirin.
Berdevkê HDP’ê Ayhan Bîlgen balê kişand ser nîqaşên der barê bendava hilbijartinê, tifaqa fermî, Ataturkparêzî û tengasiyên politikaya derve yên Tirkiyeyê. Bîlgen got ku, li Enqereyê hin derdor hene amadekariyên piştî çûyîna Erdogan dikin.
Serokatiya Meclîsa Tirkiyeyê di Serdema Rêzikdayîna 26’êmîn de hezar 546 pêşniyar pirsan û 149 pênyarên lêkolînê red kir. Herî zêde pêşnyarên pirs û daxwaza lêkolînan ên HDP’ê yên têkildarî binpêkirina mafan hatin red kirin.
Wekîlê Serokê Koma HDP'ê Ahmet Yildirim, diyar kir ku çiqas 27'ê mijdarê roja ku Karsaz Riza Zarrab bê darizandin nêzîk dibe bêtir hikûmet dikeve nava tirsan.
Li Lijneya Giştî ya Meclîsa Tirkiye dê sibê hilbijartina Serokatiya Meclîsê pêk bê. Namzeta Serokatiya Meclîsê ya HDP'ê û parlamentera HDP'ê ya Colemêrgê Selma Irmak ji ber girtî ye dê di hilbijartinê de ne amade be.
Berdevkê HDP'ê Ayhan Bîlgen di konferansa “Cerebeyên di qezençkirina azadiyan de mudaxaleyên pêvajoyan" de axivî û diyar kir ku li Tirkiye pêdivî bi çavê sêyemîn heye û wiha got: "Ji bo projeya jiyana hevpar û heqaniyetê bê qebûlkirin û têkeve meriyetê divê projeyê bi biryar ji hemû civakê re parve bike.
Rêveberiya HDP’ê ya Wanê bi rojnamegeran re civiya. Hevserokê HDP’ê yê Wanê Umît Dede bal kişand tayînkirina qeyûmên ser şaredariyên Wanê û got: “Divê li tu deverê prîm nedin xespkirina vîna gel.”
Li Cizîrê ji bo serdana Serokwezîr Bînalî Yildirim tedbîrên awarte hatin girtin. Ji şaredariyê anonsên “Xebatkarên cemaweriyê jî di nav de hemû kes vexwendîne” tê kirin.