Hevserokê KCD’ê Berdan Ozturk li Wanê di hevdîtina bi gel re de axivî û têkildarî hilbijartina 28’ê Gulanê wiha got: “Dê gelê kurd di hilbijartinê de tişta pêwîst bike. Gelê me di daxwazên xwe de jidil e, di sekna xwe de micid e û em ê encamên van tevan jî bibînin.”
Partiya Çepên Kesk û HDP têkildarî tûra dûyemîn a hilbijartina Serokkomariyê wiha got: “Em ê bêkêmanî biçin ser sindoqan û em ê bi hev re rejîma yek zilamî biguherînin.”
Parlamentera Partiya Çepên Kesk a Erziromê Meral Daniş Beştaş bal kişand ser kuştina jinan a di serdema AKP’ê de û got: “Di 28’ê Gulanê de em bi motîvasyonek xurt tifaqa dijminatiya jinan dike têk bibin.”
Partiya Çepên Kesk, li navçeyên Mêrdînê roja ewil a hevdîtinên xwe yên gel ku dê du rojan bidomin, bi dawî kir. Siyasetmedar Ahmet Turk di civînê de axivî û got: "Divê em gelê kurd dersekê bidin hikûmetê."
Partiya Çepên Kesk û HDP, piştî civîna xwe ya awarte daxuyaniyeke bi nivîskî belav kirin. Di daxuyaniyê de hat diyarkirin ku tayinkirina qeyûman nayê qebûlkirin û wê helwesta xwe ya dawî ya têkildarî hilbijartinên 28'ê Gulanê sibê eşkere bikin.
Xebatên ji bo hilbijartina serokkomariyê li gelek bajaran didome. Hevseroka Giştî ya HDP’ê Pervîn Buldan jî li Mêrdînê bi gel re hevdîtin kir û wiha got: “Niha dema wê ye ku em bi faşîzmê, bi Erdogan bidin windakirin. Dê di 28’ê Gulanê de demokrasî bi ser keve, faşîzm winda bike.”
Hevberdevkê Partiya Çepên Kesk Îbrahîm Akin diyar kir ku divê welatî moralê xwe xera nekin û got: “Ji bo em faşîzmê rawestînin teqez divê em biçin ser sindoqan.”
Siyasetmedarê kurd Ahmet Turk diyar kir ku Tirkiye di pêvajoyek hilbijartinê ya nedemokratîk de derbas dibe û wiha got: “Tu rewabûna Erdogan nemaye. Em bêmoraliya xwe deynin aliyekî. Em ji hilbijartinên 14’ê Gulanê xurttir biçin ser sindoqan.”
Hevseroka HDP'ê ya Stenbolê Îlknûr Bîrol diyar kir ku tûra duyemîn a hilbijartina serokkomariyê di wesfê referandûmê de ye û got: "Ji bo avakirin û diyarkirina siberoja xwe, em di 28'ê Gulanê de biçin ser sindoqê û dengê xwe bi kar bînin."
Parlamenterê Partiya Çepên Kesk ê Amedê Serhat Eren destnîşan kir ku dengek dikare çarenûsa 85 milyon kesî biguherîne û bang kir ku di 28'ê Gulanê de her kes biçe ser sindoqan.
DBP’ê bertek nîşanî binçavkirinên di çarçoveya lêpirsînên navenda wê Mêrsînê de da û wiha got: “Bloka faşîst, dewletê di çarçoveya berjewendiyên xwe de bi kar tîne, bi binçavkirinan dibêje qey dê kurdan bitepisîne. Lê ev hewldan hewldanên vala ne.”
Parlamentera Partiya Çepên Kesk a Edeneyê Tulay Hatîmogûllari da zanîn ku nêzî 10 milyon neçûne ser sindoqê û wiha got: “Pêşeroja vî welatî di destê we de ye. Herin ser sindoqan û mohra xwe li dijî rejîma yekzilamî bi kar bînin.”
Hevserokê Giştî yê DBP’ê Keskîn Bayindir diyar kir ku dê Tifaqa Cumhur welêt ber bi tarîtiyê ve bibe û wiha got: “Gelê kurd di 14’ê Gulanê de bersiv da polîtîkaya zilm û zextê. Dê di 28’ê Gulanê de Erdogan têk bibe û helwesta xwe ya zelal nîşan bide.”
Parlamenterê Partiya Çepên Kesk Omer Faruk Gergerlîoglû bal kişand ser îstîsmarkirina dîn ji hêla AKP’ê ve û wiha got: “Gel bedelekî giran da û dixwazin bi rêya îstîsmarkirina dînî vê rewşê veşêrin.”
Parlamenterên Partiya Çepên Kesk ên Wanê bang li hilbijêrna kirin ku biçin ser sindoqan û diyar kirin ku ew bi biryar in dawî li serpêhatiya 21 salan a AKP’ê bînin û gotin: “28’ê Gulanê roja rizgarkirina Tirkiyeyê ya ji tarîtiyê ye.”