Karkerên înşaetê ji ber karê bê ewle dikin û di nava şertên bê ewle de dixebitin gelek ji wan jiyana xwe ij dest didin. Karkerên bê ewle û bê venêrtin li qatên jor kar dikin, jiyana wan li ser text û bizmarekî ye. Wêneyekî karkerên înşatê yê li Amedê ji qatê 6'an hatiye kişandin, nîşan dide ku karkerên înşatê di çi şert û mercan de û çiqas bê ewle kar dikin.
Karkerên DHL Ekspressê ji ber ku bûn endamên sendîkayê ji kar avêtin, 171 roj in di grevê de ne û dixwazin vegerin karê xwe. Serokê Giştî yê TUMTÎS'ê Kenan Ozturk, diyar kir ku divê ji mafên sendîkayê yên karkeran re hurmetê bidin nîşan.
Sekretera Jinan a Lijneya Navendî ya KESK'ê Gulistan Atasoy, diyar kir ku bi KHK'yan 400 hezar karkerên taşeron ji mafê xwe yê kadro bê par hatine hiştin û aqûbet û pêşeroja van karkeran ne diyar e.
Esnafên Dersimê krîza aborî ya li Tirkiyeyê nirxandin û diyar kirin ku şerê navxweyî yê li welat aborî xistiye vê rewşê. Esnafan got ku ji bo aboriya Tirkiyeyê baş bibe pêdivî bi aramiyê heye.
Heqê herî kêm ku zêdeyî 6 milyon karkeran eleqeder dike hezar û 603 TL hat diyar kirin. Karkerên ku heqê kêm distînin bertek nîşanî vî heqî dan û diyar kirin ku birçîbûn kirine qedera karkeran.
Serokê Komîsyona Enerjiyê yê TMMOB'ê Nadîm Bulent Damar, aşkera kir ku ceryan ne malê kesî ye, lê hikumetê wekî amûreke bazirganiyê dide xebatê û wiha got: "Tekan rêya ku pêşî li vê bigire, divê ceryan ji wê rewşa bazirganiyê bê derxistin û wekî xizmetekê bê xebitandin."
Serokê Giştî yê TUMTÎS'ê Kenan Ozturk, bertek nîşanî gotina Serokê Giştî yê Turk-Îşê Ergun Atalay a "Em nikarin li hemberî diyarkirina heqê kêm a Hezar û 603 TL" tiştekî bikin" da û wiha got: "Divê ji bo maf bên parastin berî her tiştî OHAL bê rakirin û sendîka û konfederasyon ji bo rakirina OHAL'ê têbikoşin. Bi vî heqê kêm milyonan mahkûmî birçîbûnê kirin."
Karkerên DHL Express û Kod-A Bîlîşîmê bi grevê dikevin sala nû. Karkeran bertek nîşanî “Qanûna navbeynkariyê” ya dê di 1’ê Çileya 2018'an de bikeve dewrê dan û xwestin hemû hêzên kedê di sala nû de bi hev re têkoşînê xûrtir bikin.
Hevserokê Şaxa 1’emîn a Egîtîm Senê ya Amedê Abbas Şahîn bertek nîşanî îxrackirina endamên wan ên peywîrdarên hîndekariyê da û got: “Bedelê wê çi dibe bila bibe, em ê dev ji parastina têkoşîna aştî û demokrasiyê bernedin.”
Serokê Odeya Çandiniyê ya Colemêrgê Nayif Onal, anî ziman ku ji ber qedexekirina zozan û mêrgan êdî li bajêr sewalvanî li ber qedandinê ye û wiha got: "Demekê li Colemêrgê zêdeyî 5 hezar sewalvan hebûn, lê niha 500 sewalvan hene."
Koordînasyona Kedê ya Yekbûyî ku di 17'ê Kanûnê de hat avakirin, diyar kir ku armanc dikin çalakiyên karkeran hêzdar bikin û destkeftiyên wan zêdetir bikin.
Platforma Şaxan a KESK’ê ya Edeneyê, civîna çapemeniyê lidarxist û KHK şermezar kir. Platformê, diyar kir ku ewê bi hevre karê xwe yê mîna şîrê dayîkê helal û keda xwe paşve bistînin.
Karkera paqijiyê Semra Kara, bertek nîşanî biryara KHK'ê ya karkerên taşeron bikin kadro da û wiha got: "Ez bi kite kite dixwînim û dinivîsim. Dê karkeran li gorî çi û kê di ezmûnan re derbas bikin."
Platforma Şaxan ên KESK'ê li tevahiya Tirkiye li dijî îlana OHAL'ê û Biryara Di Hukmê Qanûnê de (KHK) yên hatin weşandin de bertekên xwe anîn ziman û diyar kirin ku ew dê tu carî van biryaran qebûl nekin û serî netewînin. Nûnerên KESK'ê di çalakiyan de gotin “Ne darbe û ne jî OHAL, Tirkiyek demokratîk".
Li navçeyên Finîke, Kumluca û Derme yên Antalyayê ji ber felaketa bablîsokê serayên cotkaran texrîb bûn û cotkar xisirîn. Cotkaran diyar kir ku dewletê ji çar pariyan pariyek zirara wan daye û ji ber vê yekê jî bûne deyndarê bankeyan.