Di razemeniyên Butçeya Navendî ya 2018'an de ya hikumetê de para herî zêde ji bo şer hat veqetandin. Ji bo saziyên ewlehî û parastinê razemenî hat kirin û ev wekî 92 milyar 718 milyon 151 hezar TL hat destnîşankirin.
Hevserokê Şaxa MMO ya Amedê Dogan Hatun, diyar kir ku tu bingeha rastiya daxuyaniya Wezîrê Enerjiyê ya der barê Kana Şirnexê te tune ye. Hatûn, anî ziman ku Kana Şirnexê ne qaçax e û wiha got: "Rastiya daxuyaiya wezîr tune. Ocak di 2017'an de dane îhaleyê. Ji venêrtinê re çav girtine û bincil kirine. Divê rê li pêş venêrtina saziyên bê alî vekin."
Sersozgerê Komarê Mehmet Patlak der barê hezana li Şirnexê de daxuyanî da û ev tişt got: "Heyeta pêzan a ji 3 kesan pêk tê li cihê bûyerê lêkolîn pêk anî, lê rastî kaneke qaçax a komirê nehat." Wekîla bajêr Bîrlîk jî pirsa "Xwediyê kargehê yê esalî kî ye" ji Wezîrê Enerjiyê kir.
Parlementera HDP’ê Leyla Bîrlîk bertek nîşanî daxuyaniyên “qaçax” ên rayedaran der barê kana komirê de da û got: “Di serdema qedexeya Şirnexê de em nikaribûn biketina kanê. Lê karker li wir dixebitin. Ji bo sûcê ji ser xwe biavêjin van daxuyaniyan didin.”
Malbata El Hesen ê ji Reqayê, niha li gundê Serêkaniyê tevlî jiyana komîn a gundan bû. Mahmûd El Hesen, diyar kir ku dema ew ji bin zilma DAIŞ’ê ya 3 salan rizgar bûn pir kêfxweşbûn, lê dîsa ew ditirsa li pêşiya wan çi heye li wan peyda bûye û got: “Lê ev salek zêdetir e bi kurdan re di çandiniya pembuyê de dixebite û ligel zahmetiyan jî ew pir kêfxweş in.”
Li Wanê bi destpêka sermayê re li Sûka Sobevanan, sobeyan li ber dikanan û dezgehên dikanan cihê xwe girt. Esnafên Sûkê diyar kir ku bihabûna dolaran li ser karê wan bandorek neyînî dike û ew roj bi roj ber bi îflasê ve diçin.
Li Şirnexê cenazeye Abdullah Kayaş k udi bin hezanê de mabû jî hat derxistin. Hejmara kesên di hezanê de jiyana xwe ji dest dan gihaşt 7’an.
Navê karkerên ku li Şirnexê di bin hezanê de man û jiyana xwe ji dest dan diyar bûn.
Li Somayê di madenê de 301 madenvanan jiyana xwe ji dest dabû, doza ku hat vekirin berdewam dike. Malbatên Somayê aşkera kirin ku ew ê şopdarên dozê bin.
Welatî Kamuran Duman ê ji ber spartina cerdevaniyê ji Colemêrgê bi malbata xwe re koçî Wanê kiribû, ji bo debara malbata xwe bike darên gûzan dadiweşîne. Duman diyar kir ku ji bo debarê rîskê mirinê jî daye ber çavê xwe.
Berxwedana karkerên Siteya Pêlavan a Işikkentê yên di kargeriyên bê hewa de dixebitin, didome. Karkeran diyar kirin ku ji bo parastina keda xwe û mafê civakî dest ji kar berdan û heta mafê xwe bistînin dê têbikoşin.
Tûtinvan Vedat Avci, bertek nîşanî qedexekirina tûtinê da û wiha got: “Li ser her kuçeya taxê tiryakê difiroşin. Ji dêvla ku dewlet bi tûtinê re mijûl dibe, divê bi eroîn û tiryakê re mujûl bibe.”
Zarokên penaber ên Sûriyeyî ku di karê pêlavên çerm de dixebitin, di heftiyekê de 150-200 TL heqdestê digirin. Ahmet Mehmet ê 15 salî yê Sûriyeyî rojê 13 saetan dixebite. Mehmet, diyar kir ku di nava hemû madeyên kîmyewî de bêyî ku ewlekariya wan hebe, dixebitin.
Karkerên di Şaredariya Avcilarê de dixebitîn, ji ber ku heqdestê wan nedidan, di çalakiyê de bûn û berxwedana wan encam da.
Karkerên ji ber sendîkayî ne ji kar hatin avêtin û karkerên bi KHK'ê ji kar hatin avêtin, bi rojan e li çar aliyên Stenbolê di grevê de ne û dixwazin vegerin karê xwe. Karkeran gotinên serokwezîr ên wekî "Ji sendîkabûnê netirsin" jî bi bîr xist û got ku "Serokwezîr ne samîmî ye."