Endamê Weşana Giştî ya Rojnameya JINEPS'ê Erdogan Yilmaz, anî ziman ku ji bo balê bikişînin ser zextên li ser zimanê wan ê zikmakî salê 4 caran bi çerkezî bi hin rojnameyan re weşaneke hevpar dikin û got, ev hevkarî li dijî "tunebûnê" ji bo destpêkê gaveke baş e.
Kurtefîlmê Dilop ku derhêner Alî Kemal Çinar li ser malbateke xizan a di malê de kişandî, li ser malpera youtubê weşandin.
Lêkolînerê Zimanê Kurdî Jiyar Cehaferd di gotûbeja ku Tora Ziman û Çanda Kurdî li dar xist de diyar kir ku li bakûr û rojhilatê Kurdistanê ziman di rewşeke xirab de ye û got: “Dema mirov bi zarokên xwe re neaxive ew ziman winda dibe. Gava ku zimanek biçe gelek tiştan bi xwe re dibe.”
Endamê MED-DER’ê Mûrat Bîlgîç, diyar kir ku saziyên ziman yên kurdî dê bi boneya Roja Cejna Zimanê Kurdî di 15’ê Gulanê de kampanyaya alfabeya kurdî bidin destpêkirin.
Prof. Dr. Qedrî Yildirim, di gotûbêja ku Tora Ziman û Çanda Kurdî li dar xist de, behsa jiyan û dubeytiyên Baba Tahirê Uryan kir û got: “Baba Tahirê Uryan di dîrok û baweriya gelê kurd de xwedî cihekî girîng e. Yekem nûner û zanayê zaravayê Lorî ye.”
Nivîskar Bahattîn Robar, anî ziman ku tenê di 15'ê Gulanê Cejna Zimanê Kurdî de xwedîderketina li kurdî wê asîmlasiyonê ji holê raneke û got: "Ziman, wekî ruhê mirov e. Heger tu ji zimanê xwe dûr bikevî, tu yê ji ruhê xwe jî dûr bikevî. Em ji ruhê xwe dûr nekevin û bedena xwe nekujin."
Kovara karîkatur Leman, bi berga mijara polîsê ku li Navçeya Nisêbînê bi çekê da ser pişta zarok û li wî da û bi sernavê "Vahşi Guneydogu" derket.
Serlêdanên ji bo 10’emîn Xelata Çîrokan a Şerzan Kurt dest pê kirin.
Hejmara 14’emîn a kovara Dilop a gulan û pûşperê derket. Kovar ji ber koronayê vê hejmarê wek PDF hat weşandin. Kovar bi dosyeya tevkujiyên ji damezrandina komarê heya îro li ser kurdan didomin kiriye mijara xwe.
31'emîn Hêjmara Kovara fikr û kuramê ya Moderniteya Demokratîk derket.
- Weqfa Mezopotamyayê di çarçoveya xebatên ziman û çandi de koverek nû li koverên kurdî zêde kir û hêjmara yekemîn a kovara Folklor û Ziman çap kir.
Wênesaz Ercan Altûntaş ku li ser tiwalê wêneyên kuçe û xaniyên navçeya Sûrê yên niha tunene çêkirine got, bîra kurdan ber bi rewşeke xeternak ve hatiye tahmdan û diyarbûna vê yekê ya li Sûrê jî bêmekankirina bîrê ye.
Weşanxaneyên kurdî bal kişandin ser rewşa ji ber vîrûsa coronayê derketiye holê û bandora vê rewşê û krîza aborî ya li ser pirtûkan û gotin, niha nikarin karê xwe wekî berê bikin û pirtûkan çap bikin.
Qesra Elo Dîno û avahiyên nêzî wê ku ji ber bêxwedîtiyê hindik mane bi temamî hilweşin, niha jî bûye hedefa defînegeran.
Romana nû ya nivîskar Metîn Aktaş a bi navê “Bozkir Gulu (Gula Çolê)” derket. Aktaş di romanê de behsa çîroka gundekî kurd ku meleyek dişînin wir dike.