Rêveberiya Xwecihî ya HDP'ê li Silopiyayê bi beşdarbûna 250 delegeyan civînek li dar xist. Hevşaredara Bajarê Mezin a Mêrdînê Necla Fîgan Altindag anî ziman ku di pêvajoyeke wiha de lihevkombûna jinan xwedî girîngiyeke gelek mezin e û wiha got: "Em ê qeyûman û hişmendiya wan a li Kurdistanê derxînin."
Berdevka Meclisa Jinan a HDP’ê Ayşe Acar Başaran di civîna Desteya Rêveberiya Xwecihî ya HDP’ê de axivî, bertek nîşanî binçavkirin û girtina aktîvîstên TJA’yê da û got: “Em soz didin ku li vir jinek tenê bimîne jî em ê têkoşîna jinan bidomînin.”
8 aktîvîstên TJA’yê ku di çarçoveya lêpirsîna navenda wê Enqere de anîn Edliyeya Enqereyê hatin girtin 13 jin jî bi şertê hefsa malê hatin berdan.
Aktîvîstên TJA’yê ku ji aliyê 12 dozgerên li Edliyeya Enqereyê hatin peywîrdarkirin ve îfadeyên wan tên wergirtin, bi daxwaza girtinê sewqî dadgehê hatin kirin.
Aktîvîsta TJA’yê Fîgen Ektî ku li Miduriyeta Polîsan a Enqereyê îşkence lê hate kirin, piştî ku li Edliyeya Enqereyê ya piştî 4 rojan anînê, rewşa wê nebaş bû rakirin nexweşxaneyê.
Jina bi navê Dîlan Y. ku hate îdiakirin întîhar kiriye, jiyana xwe ji dest da.
Di danişîna doza derbarê Cîgirê Midur Bûrak Ercan ê li Lîseya Anatoliya ya Navendî ya Cizîrê îstîsmara zayendî li xwendekaran kir de hatiye vekirin, daxwazên girtinê nehatin qebûlkirin.
Jinên di çarçoveya lêpirsîna li dijî TJA’yê de hatine binçavkirin, li Midûriyeta Polîsan a Enqereyê li dijî sepanên îşkenceyê îfade nedan.
Di operasyona serdegirtina malên jinên kurd de polîsan bi ser mala endama YJA-Starê Turkan Yuksel ku di sala 2017’an de jiyana xwe ji dest dabû de girtine û pirsa, "Turkan li ku ye?" kirine.
Ayten Tikil a li Girtîgeha Tarsûsê ya Jinan tê girtin, binpêkirinên mafan bi nameyekê nivîsî û diyar kir ku nameyên wê hatine desteserkirin.
Jinên ku binçavkirina aktivîstên TJA'yê şermezar kirin, gotin ew ê tim bibêjin, "Jin, jiyan, azadî".
Jin Bi Hev Re Bihêz in têkildarî êrişên dewleta tirk ên li dijî Rojava bi dirûşma “Ji şer re Na” vîdeoyek parve kir. Di vîdeoyê de wiha tê gotin: “Bombeyên li Rojava tên barandin ne ji bo ‘ewlehiya’ me lê ji bo pêşeroja desthilatdariyê tên barandin.”
Hejmara 51’an a Pêveka Jinê ya Yenî Yaşamê bi manşeta “Her ku berxwedana jinan mezin dibe faşîzm êriş dike” hate weşandin.
40 jinên ji ber li Antalyayê di 8’ê Adarê Roja Jinan a Cîhanê de tev li meşê bûbûn, hatibûn binçavkirin û derbarê wan de doz hate vekirin, diyar kirin ku çalakiya wan rewa û qanûnî ye û anîn ziman ku rastî tundiya polîsan hatin.
Di çarçoveya lêpirsîna derheqê aktîvîstên TJA’yê de gelek jin di encama serdegirtinên malan de hatibûn binçavkirin. Hat zanîn ku jinên binçavkirî 36 saetan bi kelemçekirî hatine hiştin û li Midûriyeta Emniyetê ya Enqereyê îşkence lê hatiye kirin.