Karkerên tekstîlê yên ji Tekstîla Salîha a Edenê hatin derxistin, diyar kirin ku ji bo mafê wan bê dayîn ewê têbikoşin û banga piştevaniyê li hemû kesan kirin.
Şaredariya MHP’ê ya Navçeya Alîaga ya Îzmirê îro 8 karkerên din jî ji kar derxistin. Ji hilbijartina 31'ê Adarê heta niha bi giştî 187 karker ji kar derxistin.
Norûllah Shûr Zad ê afxanî ku bi awayekî neqeydkirî li Înşaata Gorguluyê dixebitî, ji şantiyeya înşeatê ket erdê û bi giranî birîndar bû. Patron Adem Gorgulu ji Zad re gotiye ger tu gilî nekî ew ê heqê tedawiyê bide, lê Gorgulu heqê tedawiya Zad neda.
Karkerê înşaetê Dogan Mihçi yê di înşaeta yurda Kampusa ADU de dixebitî ji kata 8’emîn ket û jiyana xwe ji dest da.
Li Menderesa Îzmîrê cotkarên xiyaran difiroşin dan zanîn ku ew bi bihayên erzan difiroşin û li ser dezgehan bi deh qatê bihayê ew difiroşin re rû bi rû dimînin. Cotkaran got ew kîloya xiyaran bi 20 qirûşî difiroşin û çareseriyê di koperatîfiyê de dibînin.
Firotina maşineyan piştî di 30'ê hezîranê de daxistina Baca Serfkirina Taybet (OTV) bi dawî kirin, firotina maşîneyan ji sedî 50 kêm bû.
Li Somayê, karkerên ocaxên madenê yên ji kar hatin derxistin û yên teqawidbûyî nikarin tazmînatên xwe wergirin.
90 jinên li Kadîfekale li hev kombûn, “Bazara Hilberînê ya Pagos” a ji 24 kooperatîfên pêşketinên candinî û 12 kooperatîfên jinên hilberîner pêk tê, avakirin.
Karkerên ji Şaredariya Alîaga hatin derxistin, di roja 64’an de berxwedana xwe dewam kirin û xwestin vegerîn ser karê xwe.
Li Dîlokê, piştî germahî tam dest pê kir hişkirina îsot, bacanên reş, xirtik û ecûran jî dest pê kir.
Zozanên Kahniya Sûlavê, Tamzûrê û Embarê ku nêzî 14 hezar pez lê tên çêrandin, niha hindik mane hişk bibin. Gundiyan, bilêv kir ku ji ber li van deran baran pir nebariyaye giha şîn nehatiye û ji niha ve ketina etra çêrandina pezên xwe.
Li Acibadem a Kadikoyê karkerên 2 mehin meaşên xwe nagirin dest ji kar berdan û çalakî li dar xistin.
Li gorî danayên TUÎK'ê yên meha Hezîranê, li gorî sala çûyî firotina xaniyan pir kêm bûye û ketiye bin ji sedî 48.6'an.
Li Westanê, cotkarên ku fasûle danîne diyar kirin ku heqê keda wan jî bi dest wan nakeve. Cotkaran, bilêv kir ku navbeynkar kîloya fasûleyan bi lîreyekê dikirin û bi 6 lîreyan difiroşin.
Li Wanê, ajokarên li nav bajêr rêwiyan dibin û tînin, ji ber krîza aborî nikarin debara xwe bikin. Ajokaran, destnîşan kir ku sedema sereke ya krîzê şer e û got: "Bi perê me operasyon tên lidarxistin. Ji bo ev pirsgirêk ji holê bên rakirin pêdivî bi aştiyê heye."