Li gor daneyên FAO'yê Tirkiye di warê îthalata ceh û genim de li seranserê cîhanê di rêza 3'yan de ye. Serok Odeya Endezyarên Çandiniyê Samet Ûcaman da zanîn ku îsal li dor 9-10 milyon genim dê were îthalkirin û û cotkaran jî got, desthilat li şûna ku genim îthal dike bila alîkariya cotkaran bike.
Platfoma Tenduristiyê ya Mêrdînê ku têkildarî Dr. Mûrat Fîlîz ê rastî êrişa xizmên nexweşan hatibû, daxuyanî da, diyar kir ku sedema tundiyê têkçûna pergala tendûristiyê ye û xwest bi lezgînî gav bên avêtin.
Meclisa ÎSÎG’ê ragihand k udi 6 mehên ewil ên salê de herî kêm 842 karker jiyana xwe ji dest dane.
Li Amedê esnafan destnîşan kirin ku cejn nêz bûye lê li kolanan kes tune ye û bal kişandin ser kûrbûna krîza aborî.
Hevseroka Genel-Îş'a Şaxa Êlihê Narîn Erol destnîşan kir ku Şaredariya Êlihê ya qeyûm tayinî wê hatiye kirin dixwaze 30 karkeran ji kar derxe û bi xala 35'an a li KHK'ê hatiye barkirin karker tên îxrackirin.
Hate diyarkirin ku di qezaya li kana madenê ya Şirnexê pêk hatiye de karkerekî jiyana xwe ji dest daye.
Li Şaredariya Bajarê Mezin a Mêrdînê, polîsên ku rêveberiya qeyûm wan kiriye serokên daîreyan îstifakirinê li karkerên şaredariyê yên endamên DÎSK Genel Îş’ê ferz dikin.
Li Amedê barkêşan diyar kir ku 10-15 roj in sifteh nekirine û fiyetê sotemeniyê kiriye ku nikarin bilebitin. Barkêş Lamî Kaya got: "Fiyetê mazotê dest û pêyên me girêdane. Par van çaxan 40 erebe di ber kar re nedigiahştin, lê niha 12 roj in min serfetih nekiriye."
Şêniyên Amedê bal kişandin ser budçeya pêvekî ya ku li Meclisê hevdîtinên ji bo wê didomin û wê wekî "budçeya şer pênasekirin." Amediyan ji bo vê yekê jî got: "Hemû budçe ji bo şer û qesra Erdogan tê veqetandin. Lê dîsa jî têra wan nake."
Piştî dibistan hatin girtin li kargehan hejmara karkerên zarok zêde bû. Zarokên malbatên xizan ên berê xwe didin atolyeyên tamîrkirina otoyan, mobîlyayan û tekstîlê beranberiya karê ku ji wan girantir tenê 600 an jî hezar û 500 lîre hqdest digirin.
Seroka Konseya Navendî ya TTB’ê Şebnem Korur Fincanci anî ziman ku polîtîkayên neo-liberaliyê hem li qada tenduristiyê hem jî li qada aboriyê têk çûye û divê pergalek nû ya tenduristiyê were avakirin û got: “Em ê her biqîrin û mafê xwe bistînin.”
Rêxistinên rojnamegeran, li dijî "Qanûna Sansûrê" ku wê li meclisê li serê hevdîtinên dest pê bikin hatin gelhev, diyar kirin ku di qanûnê de xalên ku wê deriyê çapameniya nivîskî bidine radan hene û ev tişt gotin: "Ev qanûn li dijî azadiya çapameniyê ye."
Esnaf Oktay Avcû ku li dijî qrîz, zem û bêkariyê derket, got ji "Erdogan" re û qeseya xerabe ya pereyan hilavêt. Polisan, pankarta ku esnaf Avcû xwest vebike jî bi hinceta "lêkolînê" desteser kir.
Karkeran zema ku Şaredariya Çewlikê daye wan kêm dîtin û biryara grevê dan.
Bêrîvanên gundê Aşûtê yê Çelê ji ber bihabûna mazotê êdî nikarin wesayîtan bigirin û biçin pezê xwe bidoşin. Ji ber vê yekê her roj 6 km’an bi meşê diçin cihê bêrê û tên.